Основни студии во Канада
Канада е една од најпопуларните дестинации во светот за студирање.
Над 15.000 студиски програми се нудат на над 100 канадски приватни и државни универзитети и колеџи. Единаесет канадски универзитети се рангирани меѓу првите 250 во светот, поради што оваа земја привлекува се поголем број на меѓународни студенти.
Основните студии во Канада траат од три до четири години.
Академска година
Академската година во Канада обично започнува во септември и трае до април или мај. Се состои од два семестри (некои програми имаат трет семестар во текот на летото), а покрај почетниот рок во септември, некои универзитети нудат и почеток во јануари, пред почетокот на вториот семестар.
Школарини
Висината на школарината за основните студии во Канада зависи од студиската програма и институцијата, а просечните цени се движат од 15,000 до 35,000CAD на годишно ниво.
Услови за упис
Условите за упис се завршено средно образование и, во зависност од канадската провинција и институцијата, положен некој од меѓународни тестови по англиски (IELTS, TOEFL, CAEL) или француски јазик. Потребната просечна оценка зависи од јазикот, студиската област и образовната институција. За студиските програми на англиски јазик, обично е потребна просечна оценка 6.5 IELTS или 84-88 поени на TOEFL IBT тестот.
Post-Graduation Work виза по студирањето
По завршувањето на студиите во Канада, имате можност да аплицирате за Post-Graduation Work виза, што ви овозможува да живеете и да работите во Канада одреден временски период. Ова работно искуство може да ви помогне трајно да се населите во оваа земја.
