Post-Graduation Work виза за Канада

Меѓународните студенти од целиот свет кои студираат соодветна студиска програма во Канада, по студирањето имаат право да аплицираат за Post-Graduation Work Permit, како би добиле можност да останат да живеат и работат во Канада некое време, и така покрај канадското образование, да стекнат и канадско работно искуство.

Услови за Post-Graduation Work виза

За да имате право да аплицирате за оваа виза, покрај уписот на подобна студиска програма во Канада, потребно е да ги исполните и следниве услови:

• Да имате над 18 години
• Вашата студиска програма да траела најмалку 8 месеци и да имате дипломирано на образовна институција која се наоѓа на листата на Designated Learning Institutions (DLI).
• Да имате важечка студентска виза и да ја поднесете апликацијата за Post-Graduation Work во период од 180 дена од завршетокот на студиите.
• Да исполнувате други услови кои се однесуваат на здравствена состојба, карактер итн.

Времетраење на Post-Graduation Work визата

Оваа виза се издава на период од 8 месеци до 3 години, се во зависност од времетраењето на студиите кои ги имате завршено во Канада. Доколку вашите студии траеле од 8 месеци до 2 години, оваа виза се одобрува за ист период колку што траеле и студиите, а доколку студиите траеле повеќе од 2 години, оваа виза се издава на период од 3 години.

Што овозможува Post-Graduation Work визата

Оваа виза ви овозможува да живеете и работите полно работно време одреден период по студирањето во Канада. Партнерот на носителот на Post-Graduation Work визата може да аплицира за Open Work Permit која им овозможува да работат full time во Канада. Една од најголемите предности на Post-Graduation Work визата е што меѓународните студенти можат да се квалификуваат за постојан престој во Канада.

Аплицирање за Post-Graduation Work виза

За Post-Graduation Work визата се аплицира онлајн преку официјалната страница на имиграционата служба на Канада. За оваа виза можете да аплицирате само еднаш во животот.

Такса за обработка

Таксата за обработка на Post-Graduation Work визата изнесува 255CAD.