Стручни програми во Канада

Стручните програми во Канада познати како Vocational Training, према степенот на образование доаѓаат по средното образование, а пред основните академски студии. Програмите се дизајнирани да им обезбедат на студентите практични и професионални вештини и знаења, неопходни за работни места што се од витално значење за општеството.

Голем број на приватни и државни колеџи, политехнички школи и институти во Канада нудат над 10,000 стручни програми. Најпопуларните програми се од областа на сметководството, бизнисот, медицинската нега, кулинарството, дизајнот, електрониката, механиката, информатичката технологија и туризмот.

Во зависност од нивото на образование и стекнатите квалификации, стручните програми може да траат од неколку месеци до четири години.

Типови на стручни програми

• Sertifikat
• Diploma
• Advanced diploma
• Co-op програми

Co-op програмите подразбираат теориска настава и платена пракса во струката (работа на одредено време), која ја обезбедува колеџот.

Почеток на студиите

Академската година во Канада започнува во септември и завршува во април или мај. Почетниот рок е генерално во септември, во некои случаи дури и во јануари, на почетокот на вториот семестар, а има и такви стручни програми кои нудат повеќе почетни рокови во текот на целата година.

Школарини

Висината на школарината зависи од видот на студиската програма, должината на студирањето и образовната институција. Цените се движат во просек од 8,000 до 16,000CAD годишно. Школарината за стручни програми генерално е поповолна од школарината за основни студии.

Услови за упис

За да се запишете на некоја од стручните програми во Канада, мора да имате завршено средно образование и да положите еден од меѓународните тестови за англиски (IELTS, TOEFL, CAEL) или француски јазик. Просечната оценка потребна за упис зависи од тестот, програмата и институцијата, а за студиите на англиски јазик обично се бара просечна оценка од 6.0 на IELTS или 80 бодови на TOEFL IBT тестот.

Стручните програми како пат до високо образование

Стручните програми во Канада можат значително да го олеснат вашиот пат до некој од канадските универзитети. Со овие програми се запознавате со практичната и професионалната страна на вашата професија и оваа предност ќе ви биде од голема помош доколку понатаму сакате да запишете основни студии. Во зависност од програмата и нивото што сте го завршиле, при уписот на основи студии, можат да ви бидат признати одредени испити и со тоа да го намалите времето на студирање.